陳妍希同陳曉因拍攝內地劇集《神雕俠侶》假戲真做傳出戀情。
陳妍希同內地男星陳曉多次喺酒店約會斷正。
因演出《那些年,我們一起追的女孩》而爆紅嘅台灣女星陳妍希,早前接拍內地劇集《神雕俠侶》演出小龍女一角,進軍內地市場。噚日,陳妍希被爆出同喺《神雕俠侶》中扮演楊過嘅內地男星陳曉拍拖,兩人多次被拍到同住一間酒店約會,陳曉更特登飛去上海為陳妍希慶祝生日。消息曝光後,雙方透過經理人大方承認戀情。
據內地媒體《全民星探》報道,陳曉於今年6月1日原本要去天津拍戲,但佢就同陳妍希一齊現身上海某間酒店,估計係陳曉去天津前一晚,特登去上海同陳妍希慶祝生日。到咗7月3日,陳妍希深夜趕去天津,同陳曉喺酒店足足逗留咗成日。之後喺本月16日,兩人又被影到喺北京嘅酒店入住同一間房過夜。消息傳出後,陳曉透過經理人承認戀情,陳妍希嘅經理人就回應話:「替陳妍希開心,祝福他們,希望大家也替她開心。」
留言