娛聞越趨荒誕

    生活太沉重了！娛樂大衆的所謂新聞，越來越荒誕。七十歲李家鼎，被指偷雞，身負“莫須有”罪名。七十九歲謝賢，八十一歲曾江，原來是“吻頸之交”，媲美戰國時期的“刎頸之交”。箇中故弄玄虛，請“家長的家長”阿爺陪同觀看。

    《四個小生去旅行》序幕，衆目睽睽記招進行中，謝賢掌摑曾江。眞抑或假——似用了十集節目來解釋：馳騁影壇半世紀的兩個戲精，沒有不和。最後一集路人皆見，曾江、謝賢這對“鋼煲兄弟”，且是“吻頸之交”，宣示友誼，至死不渝。莫斯科大街上，兩人椅上憩息。兩老翁頭碰頭，肩並肩。謝賢柔聲對曾江說：“你要應承我，我先瞓着，你要錫我一啖。如果你先瞓着，我錫你一啖。”好！兄弟笑嘻嘻勾手指尾，友誼至死不渝了。老人一本正經地說“瞓咗”係點解？問阿爺啦。罕見鏡頭，曾江、謝賢鬧市中似是交頸老翁，貼臉又似吻頸。戲迷當即想到《將相和》，兩位文武極品大臣藺相如與廉頗，初鬧不和，後結誼成“生死與共”，為國效力，即是成語“刎頸之交”出處。謝賢、曾江影圈兩位元老功臣，由不和而成“吻頸之交”，古今輝映。數十年同行，知交能幾人？“你死我吻”、“我死你吻”的情懷肅穆眞摯，似開玩笑麼？

    《四》劇最後一輯，揭開曾江、謝賢是“鋼煲兄弟”，深入俄羅斯平民家庭，反客為“主婦”，兩兄弟手法利落，俄羅斯食材烹煮香港菜。色香味文化交流，俄羅斯朋友大讚好港味。這場“廚房大龍鳳”，竊以為最佳戲劇結穴。旅行期間的恩怨情仇，兄弟夾計搵食而已，豈有他哉！讚嘆《四個小生去旅行》的“狗頭龍尾”、“狗咬狗骨”，老翁掌摑開始，同撈同煲，以“吻頸之交”圓滿閉幕。薑是老的辣。

    可是，薑也是老的苦。七十歲的李家鼎，陰功豬咯，被屈偸雞。鼎爺發微博稱：“岳飛畀秦檜害嘅時候，三個字：莫須有！估唔到今時今日，呢三個字用喺我身上，話我專撻拜神雞。現場咁多人我點撻呢？我只喺攞塊燒肉食，有時攞多一塊，咁叫撻咩？”紅皮赤壯，拜神燒肉特別和味。武敎頭食多一塊，理所當然。居然睇唔過眼，小人也不如。鼎爺，唔使睬佢，依娛記之見，可以說：“我嫌攞得少，我有得食啫，開緊工班兄弟呢？唔該，畀隻碟我……”拜神食品、茶叙糕點，散會時大掃特掃的，當年紅透半邊天的米雪都講過：“唔好嘥，後邊還有許多工作人員呢。”

    高 梁