歐冠盃列強爭霸
趁今日冇重點賽事,就同大家講吓歐冠盃分組賽形勢。講熱門分子,當然離不開上季冠軍巴塞、死敵皇馬及德甲霸主拜仁。至於英超球會,曼市雙雄與車仔至多列為“黑馬”一族,加一支法甲奇兵巴黎聖日門,將成為今季爭標各路雄師。
衛冕嘅巴塞同組對手唔算太強,利華古遜與羅馬只係二線實力,威脅性唔大,白俄羅斯球隊巴迪更加未夠班,巴塞出線問題不大。皇馬在A組主要競爭對手係聖日門,但千祈唔好忽略烏克蘭嘅薩克達,隨時可以搞亂呢組大局。
身處F組嘅拜仁唯一阻手阻腳的對手係阿仙奴;不過,十六強一席位點會有拜仁份。英超三強要爭出線將會受到考驗,曼城被列入死亡之組,要硬撼上季亞軍袓雲達斯與西甲實力派嘅西維爾,已難有十足勝算,仲有德甲“老三”慕遜加柏,晉級之路唔易行。
曼聯在附加賽係威係勢,但同組有禾夫斯堡、莫斯科中央陸軍及燕豪芬,亦有阻力。至於車路士,同樣有波爾圖與基輔戴拿模兩支攔路虎,低迷的車仔未必有出線把握。
Ben
足球評述員
留言