西甲列強亂戰
西甲聯賽只踢咗兩輪比賽,當然未有球隊可以咁快獨領風騷,但睇咗頭兩輪多場比賽,的確西甲無弱旅,衛冕嘅巴塞、爭標必選嘅皇馬及三雄鼎立之一嘅馬體會,必成為奪標三大熱門。不過,相信今季並非像之前兩三季一樣,只得三支強隊“互片”。
巴塞頭兩場只能一球僅勝對手,可以話僥倖全取六分,一改以往大炒對手風格。
死敵皇馬就只得一勝一和,首戰對住升班馬希杭,火力勁爆嘅皇馬竟然老鼠拉龜,最終祇能互交白卷,無可奈何痛失兩分。馬體會最對版,先殺拉斯彭馬斯,再斬西維爾,成為四支兩戰全勝球隊之一。
巴塞與皇馬在季初都未能顯示出超強霸氣,到底係狀態未足,抑或未達到應有作戰狀態?實際上今季多支西甲球會異軍突起,除維拉利爾、華倫西亞及西維爾,三支傳統實力派外,皇家蘇斯達、畢爾包與馬拉加等亦有力足以擾亂大局,所以今季西甲一定好睇過戲。
至於第三輪就會上演矚目大戰,馬體會火併巴塞羅那,激戰在所難免。
Ben
足球評述員
留言