歐國外大局已定
歐國盃外圍賽又踢完兩輪比賽,最後兩輪賽事要去到下月中埋尾,屆時十九支晉級明年決賽周球隊自有分曉。其餘八支第三名球隊就要再踢附加賽,爭取最後四個席位,明年六月再與主辦國法國,爭逐歐洲王者。
截至昨晨為止,有三支國家隊經已穩奪出線權,包括唯一未知個“輸”字點寫嘅英格蘭、首次打入決賽周嘅冰島及稀客捷克。至於向三連霸進發嘅西班牙、世界盃冠軍德國及大賽常客意大利,都可以“坐定粒六”等出線。
列強當中荷蘭最令人失望,在A組只得十分排第四,唯一生還機會是與土耳其爭第三踢附加賽,但形勢相當不利。不但要殺敗哈薩克與捷克,及要睇土耳其面色,更要望捷克與冰島能助一臂之力,“橙衫軍”只能望天打卦。
如果決賽周冇球星壓陣又點得,有球王C朗坐鎮嘅葡萄牙、靠天王巴利領軍嘅威爾斯、擁拜仁射手利雲度斯基嘅波蘭同樣出線在望,再加兩支令人驚喜嘅奧地利與瑞士,應該可以訂定機位明年去法國。
足球評述員 Ben
留言