葡萄牙絕殺阿爾巴

媒體

分類

新聞

華路素（左）成葡萄牙贏波功臣（美聯社）

葡萄牙絕殺阿爾巴

【本報消息】華路素成葡萄牙救世主，歐國盃外圍賽I組作客阿爾巴尼亞久攻不下，華路素補時頂入角球絕殺，助葡軍小勝一比○保住榜首優勢，延續分組賽四連勝。

C朗今仗繼續領軍葡萄牙，蘭尼、比比及施華等主力亦有上陣，葡軍開賽便搶得主導權，惜蘭尼十二分鐘頭鎚中柱未能先開紀錄，隨後C朗單刀射斜及施華起腳未中目標，半場互交白卷。易邊後葡軍依然得勢不得分，丹尼錯失兩次黃金機會，眼見以為今仗悶和，華路素在補時挺身而出，在最後一次角球攻勢頂入致勝球，助葡國全取三分。

C朗四場白果

C朗繼續冇波入，已連續四場未有斬獲，葡萄牙教練山度士企硬撐C朗：“他是個全季攻入五十球的球員，個別幾場未入波是正常的事。即使他未有入球，不過仍放膽進攻，展現出超卓的球技和爭勝決心。我相信他很快便會有入球。”

同組丹麥作客亞美利亞，攻勢稍多的丹麥最終未能轉化為入球，互交白卷各得一分。贏波的葡萄牙六戰五勝，以十五分居榜首兼少踢一場，領先丹麥三分，下仗贏波便穩奪出線資格。