媒體
分類
新聞
黃子華拍片 幫助弱勢社群
2015-09-09 17:51
黃子華探訪住喺九樓天台嘅月蟬婆婆。
黃子華幫手派飯畀「惜食堂」嘅一班公公婆婆。
日前，黃子華再次為幫助弱勢社群、解決飢餓問題嘅「惜食堂」拍攝宣傳片。喺11分鐘左右嘅短片入面，黃子華去到舊區唐樓，行足九層樓梯，探訪住喺天台嘅月蟬婆婆。佢全程陪住婆婆傾計，仲介紹咗「惜食堂」嘅發展。短片上傳一日，已有超過60,000人次觀看，因太多網民希望捐款，一度令「惜食堂」網頁因流量過多而癱瘓。
其實早喺兩年前，黃子華就已經幫過「惜食堂」拍攝首部宣傳片。當年「惜食堂」只有柴灣飯堂，每日製作2,000個飯盒，而家加開咗深水埗飯堂，每日可以增加到6,000個飯盒。黃子華喺最後仲放低搞笑風格，非常認真咁呼籲市民捐助，佢話：「我覺得中國有四句名言，大家永遠都啱用：有錢出錢，有力出力，多多益善，少少無拘......小小一個飯盒，可以幫到月嬋行呢九層，覺得仲有人關心。少少係唔拘嘅。」子華個樣勁感觸，仲好似眼泛淚光（口添）！
留言