大巴黎贏“波”格

媒體

分類

新聞

巴黎聖日門在法甲中簡直超晒班，開季四戰全勝兼零封對手，上仗作客亦三球大炒上季季軍摩納哥，實力超群，應該冇乜邊隊可以挑戰其王者之位。雖然只係啱啱開季，但法甲四連霸只係遲早問題。明晨聖日門將主場迎戰波爾多，定必取勝為下周中歐冠盃造勢。

波爾多上季排名第六，屬於中上游分子。今季四場聯賽只得一勝兩和一負，球隊明顯未十足上力。今仗作客對住實力雄厚嘅聖日門，波爾多難有爆冷機會。初盤聖日門硬讓球半，“大巴黎”料可“波”盤全收。

以聖日門強大攻力，球半當然讓得起對手，伊巴謙莫域、卡雲尼及拿維斯經已夠殺，再加埋迪馬利亞，鋒線簡直如虎添翼，波爾多防線又可以睇得邊個？就算死守，都唔捱得幾耐。

波爾多上仗憑主場之利及踢多一人情況下，才能在聯賽打開勝利之門。惜球隊目前傷兵唔少，包括兩名防守大將沙尼與干坦圖，後防球員經已買少見少。要擋住聖日門狂轟猛炸，波爾多實在難保大門不失。

推介：巴黎聖日門3:0

足球評述員 Ben