近日,陳慧琳為全新廣東大碟嘅第二首主打歌〈請放心傷我〉拍攝MV。
陳慧琳「Let’s Celebrate!世界巡迴演唱會」反應熱烈,並宣布加開12月24、25及26日最後三場。陳慧琳就話:「約定大家喺平安夜、聖誕節同Boxing Day 一齊開Party!」近日,陳慧琳除咗忙於為演唱會排練外,仲要為全新廣東大碟嘅第二首主打歌〈請放心傷我〉拍攝MV。呢個MV主要講每個人嘅故事其實一早已經編好入三世書,而呢本書被收藏喺銀河中某個星球。最終陳慧琳搵到三世書,仲發現下世會同自己分開嘅伴侶再見面。
對於新歌嘅MV,陳慧琳就話自己都相信前世今生,佢話:「有時喺街上或者工作上,當碰到某啲人,會覺佢哋好面熟,又或者一見如故,可能係前世有一種關係。」講到與戀人分手,原來陳慧琳喺讀書嘅時候都有一段PuppyLove,當時因為二人要分開去唔同地方繼續升學,好難會再一齊,所以就分咗手。陳慧琳話:「我係一個好理智嘅人,知道冇可能繼續一齊,就會將記憶刪除,唔會藕斷絲連。」
留言