馬拉加作客“加”分

媒體

分類

新聞

西甲今晚有場搶分戰，三戰三敗仍是零分嘅加泰主場單挑馬拉加。加泰再唔發奮圖強的話，護級之路有排行，但由於人力物力及資源所限，每場比賽都要艱苦作戰，今場對住以爛打見稱嘅馬拉加，加泰要攞足三分並非容易。

馬拉加雖然三戰只得兩和一負得兩分，不過對手包括西維爾與巴塞羅那，而且作客一球不敵巴塞亦非戰之罪。為免長期在下游掙扎，對住弱勢嘅加泰，馬拉加勢必全力爭取今季首場勝仗。初盤平手，好明顯“大圍”對有主場之利嘅加泰亦毫無贏波信心，不妨考慮平均人腳較佳嘅馬拉加贏波。

計埋上季，加泰已連續十一場西甲未贏過波，其中輸足九場，呢班波嘅爭勝鬥心的確值得懷疑。雖則今季引入大批球員，不過唔係自由身加盟，就係借用性質，可想而知球員質素有幾多。

睇過馬拉加對巴塞一戰後，有多名球員值得留意，包括賀達、拿利、迪素尼、波卡及戴亞斯等，平均班底人腳絕對在加泰之上。只要踢出水準，馬拉加贏波合理。

推介：馬拉加1:0

足球評述員 Ben