中秋睇小龍好節目
今年中秋節適逢星期日,一家大細可以在中秋正日共聚天倫。中秋小龍盃今年將在中秋節正日舉行,一家人飲完早茶後又可以到南灣湖欣賞小龍賽,夜晚再相約一齊賞月,實在是一大樂事。
今年的中秋盃共有超過一百二十隊參與角逐,雖然隊數比去年略少,不過並不會影響到比賽的可觀性和刺激度。由於賽事全部鬥二百米,運動員就不容留力,一落場就已經要用盡全力拼搏,緊張刺激程度可想而知。儘管賽事規模亦不及一年一度的端午國際龍舟邀請賽,外隊主要又來自鄰埠,但亦不失為中秋佳節日間的一個好活動。
日前龍舟總會為賽事抽籤,公開組可謂幕幕精彩,去年成功蟬聯公開組冠軍的海虎仔今年再次過江挑戰,以黃金集團海虎仔的名義兵分四路誓要再次奪冠而回。海虎仔實力毋庸置疑,不過出線的過程亦是難關重重,海虎仔C隊在分組賽中被編入第二組,同組有消防局及理工學院校友會兩支勁旅,相信會爆發一輪惡戰。海虎仔B分組賽遇上新濠博亞,估計出線又有一定壓力。
除了海虎仔,澳博今次亦派出三支船隊參賽,金禧、蓮花兩隊在分組賽相遇,預料又會有一場精彩角逐。盛世在第六組出賽碰上澳大校友會,同樣會有激烈比拼,各有睇頭。
去年女子組兼混合組雙料冠軍海灣獨木舟,今年只鬥混合組,同組有翱翔體育會,另一勁旅美高梅兵分兩路,分別在第一及第三組出戰,同樣不容錯過。加上今年世界旅遊日盃這個新亮點,睇頭十足的中秋盃龍舟賽,實在是中秋節老少咸宜的一個好選擇。
賈大廚
留言