熱刺一彈爆水晶宮

媒體

分類

新聞

孫弘民（右）再做熱刺贏波英雄（路透社）

熱刺一彈爆水晶宮

【本報消息】英超昨晚早場熱刺主場鬥水晶宮，新援孫弘民再做英雄，射入全場唯一入球，助熱刺一比○小勝。功臣孫弘民希望場場有波入：“高興球隊在主場首勝，高興自己取得英超首球，每周都好似今仗就最好了。”

熱刺強陣出擊，射手卡尼復任正選，歐霸盃梅開二度的孫弘民踢回翼鋒。熱刺開波即搶攻，惜卡尼仔及拉美拿頭頂腳踢皆失機。卅二分鐘，孫弘民遠射被撲出，卡尼仔補射又未中籠。完半場前，水晶宮中場卡比耶射中柱，錯失先開紀錄機會，半場雙方互交白卷。

易邊後，熱刺有賓戴維斯因卡尼越位食詐糊，水晶宮後再有B沙高射中柱。大難不死的熱刺即有後福，孫弘民藉快速反擊，射破門將麥卡菲的大細龍門。熱刺終憑此入球小勝一比○，追至與水晶宮同得九分排第九。

孫弘民處子士哥

孫弘民賽後表示：“我真係好開心，因為我們取得主場首場勝仗，我亦射入英超處子球。我希望每星期都像今場一樣，就最理想不過。英超真係好激烈，和德甲風格完全唔同，更加講求力量和速度。我鍾意英超，喜歡英超的球風。”