握完手之後,就再嚟多個錫錫,夠曬Sweet!
容祖兒就喺網上貼出一張同蔡卓妍握手嘅相,為好姊妹打氣!
李克勤同容祖兒嘅演唱會,唔經唔覺已經去到最後一場,照舊有唔少城中好友到場支持,包括葉璇和TVB高層樂易玲。但最令大家估唔到嘅,就係近日同男友陳偉霆分手成為全城追訪對象嘅蔡卓妍(阿Sa),竟然都有現身演唱會!演唱會完結之後,容祖兒就喺網上貼出一張同阿Sa握手嘅相,佢仲發文同阿Sa講:「不用多說。」再加上一個心心圖案,即係話大家心照,一齊盡在不言中!
同細自己三年兼同公司嘅男友陳偉霆結束五年「姊弟戀」後,阿Sa回港即時被大批記者包圍追訪,再加上雙方嘅粉絲不斷喺網上發生罵戰,令阿Sa承受唔少壓力,可能因為呢個原因,佢就去睇容祖兒嘅演唱會減減壓。身為大師姐嘅容祖兒,當然都非常擔心阿Sa嘅情況,喺演唱會期間仲刻意上前同阿Sa握手兼錫錫,希望阿Sa可以快啲企返喺身,重新出發!
留言