(左起)小S安排黃子佼、曾寶儀上台,三人來一場「世紀大和解」。
黃子佼坦言事前完全冇安排,只係小S一個人嘅即興演出。
近日,喺台灣舉辦嘅「第50屆金鐘獎」頒獎典禮上,頒獎人小S將前男友黃子佼,同埋舊情敵曾寶儀叫上台,三人上演「世紀大和解」,堪稱今屆頒獎禮最大亮點。事後,黃子佼表示三人喺台上嘅感覺「恍如隔世」,佢話:「謝謝小S安排這個橋段,謝謝你們在我生命裡留下美好回憶。」黃子佼仲強調小S同曾寶儀而家各自都好幸福,亦值得擁有幸福。
喺頒獎禮上獲「最佳綜藝節目主持人」嘅黃子佼,日前出席慶功宴時,表示當時領獎後即刻被製作單位叫回座位,佢話:「我就知道有詐,本來以為她只會說幾句而已,沒想到玩這麼大。」佢表示事前完全冇安排,係小S一個人嘅即興演出。談及當時小S喺台上問黃子佼:「我跟曾寶儀你比較愛誰?」剛剛同女朋友孟耿如求完婚嘅黃子佼,就避談話聽唔到呢句說話,佢話:「我現在心中只有我女朋友一個人。」
留言