張栢芝獲安排坐第一行近距離欣賞時裝表演。
知道有粉絲追星追到米蘭,張栢芝就拎出自拍神棍同粉絲影大合照。
近日,各大時裝品牌喺意大利米蘭舉行時裝展,唔少影星都去到當地朝聖,當中就包括張栢芝,而佢喺時裝之旅嘅最後一站,就係出席Trussardi嘅時裝騷。當日,張栢芝獲安排坐第一行近距離欣賞時裝表演,同佢並排而坐嘅就有國際時尚博主Chiara Ferragni。睇完表演之後,張栢芝就到後台同Trussardi嘅創意總監Gaia Trussardi見面,之後大會仲安排咗四名高大嘅意大利籍保安,護送張栢芝離開,真係排場十足!
雖然身在意大利,但張栢芝一樣被粉絲包圍,當佢準備離開嘅時候,場外就集結咗超過50名粉絲,要求同佢合照同攞簽名,再加上有部分當地人停低睇熱鬧,人數一度過百。由於喺時裝周活動上,大會都未試過要控制粉絲秩序,所以由原本四名保安,增加至接近20人,確保張栢芝嘅人生安全。張栢芝就話:「剛才好彩有意大利保安幫手,我先可以成功上到車,但粉絲一直追住我,拍打我車窗,幸好最後有驚無險。」
留言