馬體會掃“皇”
今個周日真係好波連場,英超先有利物浦市打吡,愛華頓火併利物浦。兩隊“埋牙”肯定殺得激烈。跟住有雙紅會,阿仙奴激鬥曼聯,唔需多講又係一場焦點之戰。接住有德甲重量級大戰,拜仁慕尼黑對多蒙特。意甲亦唔執輸,整場AC米蘭對拿坡里一樣咁有睇頭。壓軸就係西甲“兩馬”交鋒,馬德里體育會激戰皇家馬德里。
馬體會近十次與皇馬對戰取得較佳優勢,四勝五和一負,只在對上一次交手,作客兼打少一人情況下僅一球落敗,馬體會打皇馬似乎特別有心得。不過,馬體會近兩場表現的確並非理想,分别在聯賽及歐冠輸波,士氣可能會受到些少影響。但同市死敵相遇,必化悲憤為力量,坐擁主場之利,馬體會至少坐和望贏。
皇馬同樣在上場聯賽失利,主場只能悶和馬拉加,全場超過三十次攻門,可惜都係食“白果”收場。雖然C朗與賓森馬係極度危險攻擊手,但少咗巴利及洛迪古斯,火力無疑減弱,今場仲有兩大守將拉莫斯與柏比同樣因傷缺陣,馬體會有機可乘。 推介:馬德里體育會 二比一
Ben
足球評述員
留言