當日,竇靖童自彈自唱自己創作嘅多首歌曲。
現年18歲嘅王菲大女竇靖童,日前現身北京平谷草地公園(漁陽國際滑雪場),為一連三日嘅理想音樂節獻唱。穿上男裝外套嘅竇靖童,當日演出咗近40分鐘,亦係佢出道以嚟首次喺內地演出。不過,王菲同現任男友謝霆鋒都冇現身,就連親生爸爸竇唯都缺席,反而只有「前繼父」李亞鵬同佢個女李嫣到場,為竇靖童打氣。
當日,竇靖童自彈自唱自己創作嘅多首歌曲,包括:〈River Run〉、〈My Days〉、〈MayRain〉、〈Blue Flamingo〉、〈Bitter Sweet〉等,雖然把聲同王菲幾似,但竇靖童就有啲緊張,喺介紹樂隊嗰時仲唔記得咗成員個名,佢就解釋:「不好意思,有點緊張。」至於有網民就話,其實王菲同經理人陳家瑛呢兩日都陪住竇靖童排練,因為唔想搶去竇靖童嘅鋒頭,所以先留喺後台欣賞,冇公開露面。
留言