日本警方已經介入調查范冰冰護照被偷影一事!
范冰冰嘅經理人強調冇遺失范冰冰同李晨嘅護照。
喺國慶期間,范冰冰(范爺)同男友李晨就去咗日本京都旅遊,順便過下二人世界,而喺微博上亦不時見到有網民貼出佢哋行街街嘅相。不過,當中竟然有網民話自己執到范爺同李晨嘅護照!嗰位網民話:「與其說我撞到了李晨和范冰冰,不如說是他們回過頭來找我,因為我撿到了這個。」然後佢就貼出咗兩人嘅護照!
對於網上瘋傳范爺跌咗護照,仲畀網民執到呢件事,噚日范爺嘅工作室就喺微博澄清:「范冰冰因工作前往京都,李晨陪同,兩人護照並未丟失,而是連同酒店入住單據一起放在經理人房間的書桌上。懷疑護照照片和酒店入住單據的照片在酒店房間拍攝,調取監控後發現昨日一共有四名服務員進房打掃,三名日籍一名中國籍,目前警方已介入此事,並著手進一步調查。 」
留言