張靚穎喺成都演唱會舉行期間,獲經理人兼男朋友馮柯求婚。
身穿西裝嘅馮柯,跪地拎出鑽戒大叫:「嫁給我吧!」
唱「海豚音」唱到出晒名嘅內地女歌手張靚穎,近日就喺成都舉行演唱會。喺演唱會最後,佢嘅經理人兼男朋友馮柯,突然拎住鮮花走上台求婚,嚇到張靚穎都唔敢抬頭。身穿西裝嘅馮柯,跪地拎出鑽戒,喺全場觀眾面前對住張靚穎大聲講:「嫁給我吧!」由於當日咁啱係張靚穎嘅31歲生日,睇嚟呢次求婚都算係佢嘅生日禮物!
其實早喺今年7月,張靚穎就曾經喺演唱會上公開講過:「12年了,我不想一個人過了,你要娶我就上台!」相隔三個月,馮柯果然即刻辦到!馮柯跪地求婚後,全場觀眾即時尖叫,張靚穎就勁感動。求婚成功後,佢哋手拖手向觀眾鞠躬。事後,張靚穎就喺網上貼出一張閃爆嘅戒指相,佢話:「謝謝大家的祝福,一個五音不全的人,為我當著幾萬人唱他寫給我的歌…… 足夠了。」
留言