張栢芝近年主要喺內地發展,最近仲獲邀為內地一年一度嘅大型節目「春節晚會」擔任表演嘉賓。昨日,張栢芝參加內地綜藝節目《王牌對王牌》,同王祖藍、楊紫瓊等人進行比賽。節目中張栢芝女扮男裝,反串已故巨星張國榮(哥哥),喺台上演唱經典金曲〈Monica〉,令觀眾眼前一亮。
喺節目中,張栢芝作為王祖藍戰隊嘅嘉賓率先出場,佢以一身透視型爆西裝現身,喺台上演唱張國榮嘅經典金曲〈Monica〉,令觀眾十分驚喜。栢芝話哥哥一直都係佢嘅偶像,有機會可以扮演佢好開心。而當日張栢芝身穿鑲滿水晶嘅戰衣就有44磅重,栢芝話:「著喺身又唱又跳,唱一首歌已經滿頭大汗,不過都係值得嘅!」
留言