學友揭爆嘉欣向導演撒嬌
張學友與林嘉欣接受有線節目《電影蒙太奇》訪問,分享再次演對手戲的感受,學友更大爆嘉欣在片場頻頻向老公導演袁劍偉撒嬌。
嘉欣指首次與學友合作時才十多歲,一直視對方為大哥哥,至今仍感激多年前學友的幫助。她說:“當年我冇演戲經驗,有場戲我喊唔出,學友好安靜咁同我排戲,直至我成功喊出來。”學友則表示:“好似父母對住子女咁,永遠都覺得佢係小朋友。今次合作,我唔覺得嘉欣有咩唔同,佢仲係好似十幾歲時個樣。”
嘉欣與袁劍偉首度夫妻檔合作,她稱唔怕尷尬:“我有同佢講過唔一定要搵我演,如果有第二個更適合嘅演員做都可以。不過佢話寫劇本時都係諗住我,咁我咪去演囉,無所謂。”學友卻大爆嘉欣在片場與老公不停曬恩愛:“食飯時兩個人將菜夾來夾去,導演有時讚我做得好,嘉欣就撒嬌問‘咁我呢?’好難頂!”
留言