心悠唔排除會閃婚
劉心悠昨日到有線高清娛樂台做訪問宣傳新片,與主持人可宜分享拍攝趣事及對愛情的看法。問到在片中飾演藝人會否感覺輕鬆?她笑說:“其實今次的角色同現實中的我好唔同,我慶幸入行時馬上簽到家好公司,冇經歷過片中做四線演員的辛酸。”
心悠在片中飾演與記者結婚的藝人,問到現實中會否接受這種婚姻?她表示:“我唔會因職業而揀對象,更加唔想對方因為我係藝人而揀我。我鍾意憑感覺拍拖,最重要係兩個人的價值觀同想法一致。如果情投意合,唔排除會閃婚。” 談到會否隱婚?心悠表示不會刻意隱瞞,但她最在意是對方的感受,如果公開關係會令對方感到唔舒服,她就會尊重對方。
留言