爾虞我詐不擇手段
郭偉亮揭佳麗真面目
昨日,十七位ViuTV選美節目《美選D.n.A》參賽者以睡衣造型,在評判郭偉亮和火火的陪同下與傳媒見面。郭偉亮更踢爆早前與佳麗到泰國拍外景時,看到她們不擇手段、爾虞我詐的真面目。
ViuTV選美節目《美選D.n.A》的十七位參賽者,昨日以睡衣造型出席記者會,其餘三位候選佳麗因事缺席。同場的還有評判郭偉亮(Eric Kwok)及火火。
Eric昨日身兼記者會司儀,他大爆早前與一班佳麗到泰國拍外景時,見到她們“魔鬼”的一面。他表示:“簡直係不擇手段、爾虞我詐,睇到我和火火眼都凸埋。其實,最好睇都係佢哋勾心鬥角,我就攞住花生行埋一邊睇。(看到一班靚女可有心動?)你都癡線,梗係冇啦。”身旁的火火亦笑稱:“點會心動?我最憎女仔,15號馬倩宜就好似男人咁粗魯。”
2號陳意嵐則踢爆拍外景時有幾個佳麗嗌交:“搞到喊晒,最後要我做和事老。(佢哋有冇爆粗?)記得就冇乜,亦冇大打出手。另外15號馬倩宜講到明為咗贏可以不擇手段,不過咁都好過有啲人暗中搞小動作。”
11號羅伊婷自爆一直以來的偶像是方力申,所以當看到小方真人時興奮到不得了,但因為怕醜唔敢直望對方。但相處了一段時間,大家已成為朋友,還加入了對方的手機群組。問她可有乘虛而入倒追小方?她笑言:“當然冇啦,因為我都有男友。喺我中目中,小方有八十分,但男友就九十分囉。”
留言