大餐過後需要運動
聖誕假期不少居民都會外出度假,留澳的居民亦趁機會與親朋戚友會面,大吃大喝慶祝聖誕佳節。其實,也可選擇更健康的方式,例如相約親朋好友打場波、行下山都是增強關係的好選擇,大家不妨好好考慮。
聖誕大餐人人都鍾意食,與親友共度佳節,難免飲食過量。隨着聖誕假接近尾聲,又到了消耗一下的時候,將冬至及聖誕累積的脂肪排走,避免身材走樣返工返學無人認得自己。
雖然政府聖誕節沒有為市民準備體育活動,不過大家可以趁放假自己組隊,多個自由波地長期開放,睇完NBA聖誕大戰、英超快車,約一班波友落場比拼,總結聖誕假期又可以講波經,是一個唔錯的節目。另外,澳門有唔少步行徑和郊野公園,近期天氣清涼亦是行山的好時間,邊行山邊睇風景,與親友打牙骹的同時認識澳門的花草樹木,更可燃燒體內的脂肪,同樣是節假日的好選擇。
做運動當然好,不過亦要注意保暖,今日氣溫下降,據氣象局的資料至周三只得攝氏十一度,做運動前記得做好熱身,避免着涼得病,以最好的狀態重返工作崗位。
賈大廚
留言