由頹青變老師
肥健玩結他捱出頭
人稱“肥健”、“楊Sir”的楊永健,霸氣身形加上精湛技藝,在舞台上的表現令人印象難忘。此外,他還是一位結他師傅,多年來教育出不少結他手,桃李滿門。有誰想過,如今奔走於舞台和教育界的肥健,亦曾失意於社會現實之下?
少年時期開始接觸結他的肥健說:“大約十年前,我曾經去過英國求學,進修音樂,沒想到因出入境制度問題,令我的學業被逼中斷,要遣返澳門。那時真的好嬲,生活所逼下,唯有去做Sales,賣過電腦又賣過電器。那時澳門音樂沒甚麼發展空間,我就連結他都放低咗,成個人好頹,無晒鬥志。”但他並不甘心一世做Sales:“我於是把心一橫,辭職!重新拎番支結他出嚟!不久後,就和朋友一齊夾Band,之後更當上全職樂手。”
如何實現當全職樂手的夢想?肥健表示:“其實都是為勢所逼!我不是讀書的材料,無文憑、無學歷、無出路,只識彈結他,於是膽粗粗去琴行自薦。慢慢開始累積名氣,跟住有人搵我私人教結他,學生覺得學到嘢,又再介紹朋友跟我學,就係咁一路教到現在。早前見到有朋友在酒吧做駐場歌手,我也自薦去做駐場樂手,好好彩又請我,令我有多啲工作。做自己喜歡的事,辛苦啲都值得!”
小記認識肥健多年,也是他的Band友之一,看着他由無業頹青變成結他師傅,由流連機舖變成長駐舞台,內心的感嘆,盡在不言中。肥健彷彿用行動鼓勵大家,勇敢踏上音樂之路。
文:廣野人
留言