雨僑落雨行山有驚無險
雨僑(Ava)昨日為運動品牌拍攝行山特輯,雖然天公不造美,又濕又落雨,但Ava做足行山措施,又獲猛男教練團隊同行護花,所以全程有驚無險。Ava以前都有行山經驗,但次數不多,今次行位於大帽山北的梧桐寨瀑布,可算藝高人膽大。弱質纖纖的Ava冒雨行山,雖一身輕便運動裝,着雨褸仲帶埋行山杖,但因為路段難行,Ava基本上爬多過行,中途更已輕微腳震,不過她意志頑強,震住震住四個鐘終於行畢全程!
Ava事後都攰到散晒,她說:“我真係堅有毅力,其實去之前已經食晒成盒豬扒飯,但體力好快用完,因為呢次行山比預期中難,加上中途落雨,好多路途都要爬,好在有支行山拐杖同埋都係跟大隊,一路篤一路爬吓爬吓就到山頂,係好攰嘅,不過過程都好充實,行山都係一種樂趣嚟嘅。”
留言