未收黎明祝福
樂基兒下月舉行婚禮
名模樂基兒(Gaile)自月前公開婚訊後,昨日首次亮相出席活動。被問可有把婚訊通知前夫黎明?她笑笑回應指:“不會告訴他了,不管是他或前度都不用告訴。”黎明有否祝賀她? Gaile說:“冇呀,大家都各有各忙,唔知佢知唔知。(會唔會請佢?)唔會啦,香港好多人我都冇請。”
Gaile昨日聯同楊張新悅、鄭希怡等出席某護膚品牌活動。將在下月在美國加州舉行婚禮的樂基兒,表示未婚夫是香港人,婚後也會定居香港。又指選擇婚禮於美國加州戶外舉行,是因為家人居住美國,加上八月份當地天氣較好,香港天氣則會打風又熱。她說:“婚禮會於美國時間八月廿七日舉行,應該會着婚紗,不過有朋友幫我做了一條衫裙,今個星期先睇婚紗。”
談到婚禮前夕的單身派對,她笑言冇興趣玩,因為上個月已經去了泰國旅行。問到會請甚麼嘉賓出席婚禮?Gaile表示不會邀請太多:“大部分都係美國細時的同學,仲有屋企人,你哋識得的香港人都唔會有,但未婚夫有請香港朋友。(你的名模朋友都冇請?)冇,只係家人同密友出席。(有幾多人?)加埋晒五十個,同埋唔係一個大宴會。我個心就好多人想請,好多謝好多朋友支持我哋結婚。(香港會唔會搞?)一定唔會,都唔會食飯。(婚後邊度住?)都係香港,因為佢在香港工作。”
結婚在即的Gaile,日前在社交網上傳自拍短片,透露帶同未婚夫到了香港。短片由Gaile操刀,同行還有外籍瑜伽女老師,三人坐在中環露天座位,似在下午茶。Gaile先介紹女友,再冧爆地介紹未婚夫;片中看到Ian笑得很開心地向着鏡頭揮手。
留言