Dior新系列的彩妝產品由牙縫性感超模Lindsey Wixson演繹。（相關機構圖片）

從來，除咗時裝Runway上嘅妝容係當季嘅化妝參考外，各大彩妝品牌當季嘅Visual images同樣係帶領化妝潮流嘅指標。而唇妝方面，今個早秋，各牌不約而同在Visual上都唔再用紅調等等嘅珊瑚系用色，取而代之嘅係紫調，深紫、粉紫等等嘅中毒唇色，非常冶豔。

Dior 紫醉金迷

金屬色成今個秋天唇妝大熱，由Balmain秋季Runway上用嘅金色嘴帶起，雖然該金色乃為舞台效果而設，但日常化唇妝當然可採用其他金屬色。而最近Dior新推眼唇兩用嘅金屬炫彩霜，就係化金屬色妝效之佳品，內含金屬亮澤色素，極致輕盈膏狀質感，閃耀鮮明嘅色澤，當中更新推出#898深紫色。除咗化眼妝外，更可單獨抹於唇上，亦可點於唇膏之上塗抹，營造玩味混搭妝效。

金屬炫彩霜#898深紫色 MOP 225

YSL Beauté 喜愛夜蒲

法牌YSL Beaut今秋彩妝主題靈感源自曼克頓的著名夜店Studio 54，就名為「Night 54」，將Disco舞池嘅氛圍一一注入喺彩妝新品之中。而在唇妝新品方面， 品牌最熱門的唇膏Rouge VoluptShine以及Rouge Pur Couture亦分別新推了珠光粉紫色#61及深紫色#71。每款唇色都在舞池各領風騷，亦可為日間造型帶來時尚氣息，型女必塗！

Rouge Volupté Shine#61珠光粉紫色 MOP 304

Rouge Pur Couture#71深紫色 MOP 304

Guerlain 情傾烈艷豐唇

法國Guerlain的秋妝主題，就係「親親魅唇」， 讓雙唇好似用咗Photoshop濾鏡效果般，變得烈艷豐美，「色」放無限誘惑，除咗份外出「色」之餘，並能深度潤澤嘴唇，教人傾情欲吻。品牌首度推出嘅保濕兼豐盈的啞光唇膏，配方採用超高效活性成分，包括透明質酸和黑種草籽油，可長時間滋養雙唇。配方亦包含辣椒衍生物，猶如為唇瓣進行冷熱微按摩，嫣然一笑時更見魅力。

Intense Liquid Matte霧面柔潤唇彩M69 Attractive Plum MOP 270

Kiss Kiss親親唇膏Wild PlumM377深紫色 MOP 280

Make Up For Ever × Jessie J 唇色舞台

每個人都是自己人生舞台上嘅主角，而今秋法國彩妝Make Up For Ever推出嘅藝人聯乘系列就特別為無限創意、不斷轉變的眾多女性嘅人生舞台而設。與英國人氣歌星Jessie J合作推出Artist Rouge Light 唇膏系列，以2016 年Artist Rouge唇膏為藍本而採用相反的「倒轉水滴形」設計，讓較圓的唇膏末端有效快速塗抹上唇部，順滑易塗，觸感柔滑舒適。

Artist Rouge Light水光唇膏L502深紫色 MOP 190