湯洛雯（左）晒出與妹妹湯樂瑤的合照，多謝對方為她整生日蛋糕慶生！（湯洛雯Facebook圖片）

湯洛雯公開酒店泳衣性感相，有粉絲笑馬國明夠晒幸福，要好好珍惜女友！（湯洛雯Facebook圖片）

湯洛雯公開與男明的定情公仔放閃！（湯洛雯Facebook圖片）

湯洛雯指自己與馬國明都不愛驚喜，所以相信男友不會製造浪漫的驚喜求婚。（湯洛雯Facebook圖片）

TVB昨晚（16日）請來劇集《一笑渡凡間》一班演員，包括蕭正楠、湯洛雯（靚湯）、江欣燕等，為綜藝節目《開心大綜藝》直播錄影演出，靚湯出短劇時，成為眾人被玩對象，又被人追問她跟男友馬國明（馬明）的感情現況。靚湯其後受訪提到日前跟馬明Staycation（宅度假）慶祝她的34歲生日，靚湯即興奮爆這是是二人首次Staycation，還指兩人不愛玩驚喜，所以相信馬明不會製造浪漫的驚喜求婚。而靚湯除了和馬明慶祝外，昨日也不忘晒出與靚細妹湯樂瑤的合照，多謝對方為她慶生！

湯洛雯跟男友馬明自公開戀情後，甜蜜指數爆燈，粉絲都一直送上祝福！雖然靚湯沐浴在愛河之中，但她都沒有完全遺忘細妹湯樂瑤，昨日她指細妹樂瑤很久沒出現在自己的社交平台，就分享一下兩姊妹的近照。湯洛雯早前不時被人笑幸福肥，她更搞笑地留言叫細妹不要減肥：「唔該唔好再減肥，就嚟瘦到唔認得你，同埋唔想同你影相（呢句先真），但係多謝你整嘅蛋糕，好味道。」話雖如此，其實相中靚湯與妹妹都明艷照人，看得出生活幸福不過就沒有變肥。

靚湯日前孖男友馬明去到全香港最高的酒店Staycation過二人世界，靚湯在社交網晒出她在酒店拍攝的一連串性感泳照和浴袍慶生相，雖然相片全部都是男友視角，並未有二人合照，靚湯就晒出二人的一對定情公仔獨角獸與小馬，代替二人出鏡，還笑問小馬：「點解啲人話你污糟，搞到我都要陪你洗白白。」頓時成為網民熱話。就連她和拍檔蕭正楠接受記者訪問時，蕭正楠也忍不住說：「係囉，點解咁污糟嘅，係咪睹物思人，真係唔知做咗啲乜喎，你知啦，佢喺上面（內地）咁耐。」靚湯說：「我都唔知呀，可能多塵啩。」

談到到酒店浪漫慶生，更公開性感泳衣照，靚湯說：「嗰件其實唔係三點式，只係一件頭泳衣嚟。」蕭正楠立即插嘴：「咁你真係好性感喎，我都以為係三點式，真係天生麗質。」靚湯指今次與馬明第一次去Staycation，玩得十分開心，問到男友可有在浪漫時刻趁機求婚？她說：「真係冇，從來冇一刻諗過佢會求婚，因為我哋兩個都唔係鍾意驚喜嘅人，好多嘢我哋都會預先同對方講，就算我鍾意食咩口味嘅蛋糕，我都會直接同佢講，哈哈。」

蕭正楠否認TVB編劇不受演員尊重。（湯洛雯Facebook圖片）

另外，談到近日有TVB前編劇在ViuTV節目力數TVB男主角擅自改劇本，以及在TVB做編劇不受尊重等多宗罪行，蕭正楠對此表示：「有時對戲大家會執生，見到劇本唔順會改少少，相信啲編劇會明白，只係執順但唔會大改。」說到該編劇指有男演員臨時加跪地喊戲，破壞角色性格設定，靚湯笑稱：「唔會係蕭正楠，因為佢想盡快收工。」阿蕭則表示：「視乎個人，而家未知係邊套劇同演員，而且我唔覺得編劇唔受尊重。」他又開玩笑指對手湯洛雯最喜歡改劇本，湯洛雯即說：「我點會，我咁鵪鶉。其實演員好少大改劇本，改少少就會。」（編輯：黎永樂）