實時簽名來考勤
鏡頭對住話謹慎
△三常會前日發生撤名牌小插曲,昨日開波的一常、二常會並未跟隨,卻有變奏版。昨日所見,已沒有排定位,待議員坐下後工作人員才放上名牌。另議員既要實時簽到,也要實時簽退。除議員及立法會顧問座前有名牌外,列席會議的政府代表都有,昨日列席會議的“財爺”譚司都唔例外。此舉可防議員、官員互不相認叫錯名,更重要是要議員以身作則,唔好遲到早退,更甚者冇到。
△有線昨日率先直播立法會大會,未知是否有鏡頭對住,議員“四圍走”似減少了。議會多是沉悶的,議員、官員之間玩下嘢有助收視。昨日火爆場面冇乜,頂兩句都有,好似梁榮仔一時口快,話其他議員講“廢話”,立即畀主席喝住。梁議員醒目立即致歉,小事化無。另外,麥瑞權不滿提“家暴法”法案的高天賜,冇按其提問交調研數據或文件,質疑佢唔尊重專家學者。陳澤武亦揶揄高天賜雙重標準,大會自己唔交文件資料,叫人通過後小組先交就得,政府咁做就畀佢鬧到瞓喺度。高天賜立即反質陳澤武記性有問題,政府幾時交過資料?質疑他才是雙重標準,又唔見佢要政府攞?兩人再頂多兩嘴,不過都相當斯文。
本報記者
留言