高鈞賢:浪費九年青春
首屆香港先生冠軍高鈞賢,加入無線後以為星路從此一帆風順,怎料事與願違,由第二男主角淪為強姦犯,演藝生涯由被捧重用到投閒置散。高鈞賢決定離開無線,打算北上發展個人事業。在開展新天地前,他接受有線娛樂新聞主播鍾煒喬訪問,細訴在舊東家工作九年的經歷。
高鈞賢廿一歲加入娛樂圈,他形容自己一直高不成、低不就。“我開頭加入娛樂圈,覺得好多事都好似好容易達成,個人好有衝勁!TVB有畀好多唔同嘅工作我做,開頭都覺得自己有被重用過,但我永遠都唔知佢哋個計劃。經過四、五年之後,浮浮沉沉,感覺我又死唔去,都叫做有人識我,不過就無乜變化。”
高鈞賢坦言最心痛是舊公司違背當初的承諾,“我覺得一直以來都未算捱過,感覺似溫室長大。這九年真係浪費青春,最唔開心係對方違背對我嘅諾言,佢哋承諾我好多事,例如薪金,但都無兌現到。”
留言