煲水黐WIFI各適其適
仁川亞運進行到第八日,不少項目經過連日的激戰,獎牌經已名花有主。有人歡喜有人愁,得獎的運動健兒當然實至名歸,長期的努力得到回報,可喜可賀;未獲獎牌的運動員亦毋須氣餒,繼續努力,未來定可取得佳績。武術、壁球、花泳等已完成比賽,三項目的澳門代表隊亦先後結束仁川之旅,前兩隊前日已返抵澳門,受到相關人士迎接的同時,健兒們並透露了參賽以外的點點仁川經歷。
出門在外,杯麵可說是必備的食品,參與仁川亞運的澳門代表隊員亦不例外,但有代表隊員透露,選手村酒店竟然未提供熱水煲,教一衆運動員措手不及。好在,有經常外出參賽、經驗豐富的運動員早有準備,自備煲水器具,避免了“有得睇冇得食”的情況。除咗冇熱水煲,選手村的設備亦相當麻麻,最慘係房間冇WIFI,要用無線設備需到特定空間,集體使用,頗為不便。有住在WIFI設點樓上的澳門運動員,貼着地板的位置可收到無線訊號,連日將電話放在地板上,打電話、傳訊息都貼住地面,感覺無奈又搞笑。
有運動員亦反映,房間的棉被傳出陣陣異味,搞到瞓覺冇被用。幸好當地天氣不熱,區內亦無蚊蟲,開窗瞓覺不怕熱,又避免了使用有味棉被。其實,選手村亦不是一無是處,代表隊員指出,村內有提供按摩服務,且有韓式的浸腳設施,予一衆健兒鬆一鬆,成為村內最受歡迎設施之一。
賈大廚
留言