聖日門爭食“里”
【本報消息】法國聯賽盃四強今晚由聖日門打頭陣,作客里爾爭入決賽。聖日門人腳優勢明顯,加上各項賽事五連勝士氣高昂,決心贏波搶走決賽權。
聖日門今季在法甲、法聯盃及法國盃三線並進,各賽事都有不俗的成績,伊巴謙莫域、卡雲尼、盧卡斯等鋒將實力強橫,盛傳想離隊的拿維斯上場聯賽亦踢爭氣波一箭定江山,全隊狀態頗佳。聖日門上一圈闖過難關淘汰聖伊天,今季聯賽作客十二戰僅兩敗,挾五連勝的強勢出擊,可睇高半線。
里爾在法聯盃有不錯表現,先後擊敗波爾多及南特殺入四強,惜近期聯賽一和兩負狀態下滑,士氣難免受損,紅軍借用的射手奧歷治一直啞火,今季只入四球,鋒線無力;加上前三次與聖日門交手兩負一和毫無優勢,面對如日中天的聖日門,主場出擊亦偷雞無望。
今場如臨大敵,不過奧歷治對球隊充滿信心:“我們絕對有實力和決心去擊敗聖日門,如果所有球員有正常的發揮,我們有機會贏波。雖然聖日門相當強,但我們亦擊敗不少強隊晉級,未踢唔知邊隊勁,加上我們有主場之利,球迷支持下一定有好表現。”
留言