皇馬包兩“維”

媒體

分類

新聞

西甲今晚加開特別場，由皇家馬德里對西維爾，屬於首循環補賽。皇馬近六次主場對住西維爾殺足六場，開季前歐洲超霸盃，皇馬亦在中立場兩球輕取對手，證明實力高出一籌，今仗主場再戰西維爾，預料三分唾手可得。

西維爾目前守住前四，整體表現總算令人滿意，不過今季對住前列球隊，包括第五位嘅華倫西亞，西維爾都係大敗收場，好明顯係一支欺善怕惡嘅球隊。今場對住誓要保住榜首嘅皇馬，更加冇運行。初盤皇家馬德里讓球半，以皇馬二十場聯賽攻入六十八球，每場均入三球以上嘅火力，一於捧皇馬贏波贏盤。

C朗在對科爾多瓦一戰中，因為腳踢對手被西班牙足總罰停賽兩場，今戰對住西維爾要繼續坐波監。不過皇馬上場大勝皇家蘇斯達，冇C朗一樣殺氣沖天。球隊火力都唔需多講，總之最少贏兩球應該問題不大。

西維爾上場險勝愛斯賓奴，防守出現唔少問題。加上近兩次踢作客共失六球，真係擔心呢條防線點頂得住火力十足嘅皇馬。

推介：皇家馬德里2:0

Ben

足球評述員