皇馬“西”遊記難行
西甲明晨上演超級好戲碼,西維爾火併皇家馬德里。一隊為要爭取下季踢歐冠資格,誓必全力以赴擊沉“銀河艦隊”;呢邊廂就要力追榜首巴塞爭聯賽冠軍,激戰難免。西維爾憑主場不敗佳績,完全未驚過皇馬來襲。至於近五場作客只得兩勝一和兩負嘅皇馬,勝率不足一半,今場對住實力不容忽視嘅西維爾,勝算實在唔高,初盤要讓半球,必選西維爾坐和望贏。
西維爾在西甲係唯一一支主場不敗球隊,主場出戰相當硬淨,攻入卅四球只失九球,無論進攻與防守都達到超高水平。更值得一提是該隊攞黃牌數量亦係西甲第二多,證明踢法非常硬朗,對住皇馬班球星肯定起到一定作用,難怪皇馬近兩次去到比斯祖安球場都要落敗而回,主場惡到出汁嘅西維爾的確值得捧場。
皇馬繼續有巴利、摩特歷及賓森馬因傷缺陣,攻擊力肯定削弱。由於皇馬非要全取三分不可,必與西維爾展開對攻戰,但作客場均失球達一球以上,防守力欠穩嘅皇馬,防線充滿危機。
推介:西維爾2:1
足球評述員 Ben
留言