市民冀醫故法主持公道
【本報消息】醫療問題,觸痛澳人神經。對於今次眾多醫療團體登報,對一宗醫療事故裁決表達強烈意見,社會、網上熱議,整體反應頗為“有氣”,對醫故法有期望卻冇信心。
醫護素質受質疑
澳門人口少,不論公立、私人醫療體系細,病例少兼無醫學院,整體醫療水平不高,社會信心低,逢大事或有懷疑,有能力的都會到香港或內地求救。市民對澳門醫療冇信心,一講起醫療或醫療事故,人人都有故仔,或是親身經驗,或是道聽途說,總之似層層。加上醫療機構總視醫故為家醜,一直超低調處理,疑幻疑真,自然惡性循環。
市民對醫療人員素質及水平有懷疑,甚至對醫療申訴中心的公平及權威都有疑惑,有網民直言今次中院判決讓不少人“大快人心”、“爭返啖氣”。
綜觀近年社會的醫療討論,大眾認同醫療人員辛苦唔易做。有市民更說,睇醫生求健康,唔係求氣,醫療係有風險,無人想出事,就算出事都不一定要醫療人員傾家蕩產或者坐監,但醫療人員既係專業人士,能力高、地位夠、收入好,就應該有相應的責任、道德,為自己工作負責任,天公地道,醫故法的設立就係主持公道,等市民投訴有門,唔會因冇專業知識、搜證能力,或者冇打官司的財力而有失於公平、公義,同時不用醫療人員“食死貓”。社會的要求很簡單。
專家評鑑訴求高
有網民坦言,澳門人脈紐帶何其緊密,醫護人員“醫醫相衛”,難保鑑定的客觀性。假如醫療團體都對政府評鑑報告、法院冇信心,一般市民又豈會有信心?就醫故法要成立醫療事故鑑定委員會,居民難以再對由政府指定、有十年職業時間就可成為醫療事故“判官”的制度有信心,希望由外地專家評鑑、“扑槌”的訴求高漲,否則患者只會不斷挑戰本地專家的判斷,讓醫患關係更加劍拔弩張。
留言