青雲湯唯互笠高帽
影帝劉青雲與影后湯唯首度合作演出愛情電影《三城記》。早前,二人接受有線《電影蒙太奇》訪問,除分享拍攝的點滴及難處外,更互相評價一番。
近年較少接拍純愛情片的青雲,問今次是甚麼原因吸引他?青雲直言:“除咗劇本好,我一直都好想同張婉婷導演合作。”湯唯透露電影劇本已籌備了三至四年,當知道是青雲做對手時,感覺是“嘩,徹底放心晒!”電影講述主角因戰爭而與身邊人失散,湯唯亦有所共鳴:“雖然我無經歷過打仗,但我喺杭州出世,去北京工作十五年,再嚟香港工作,依家更嫁咗去韓國,一年得一星期喺屋企,所以我好能體會那種漂泊嘅心情。”
青雲為電影學習京劇及二胡,他大呻辛苦:“唱歌跳舞對我嚟講,係好大挑戰,而所有樂器表演都要花長時間磨練。”湯唯亦是第一次用樂器演戲,但她則顯得較輕鬆,“我只係希望拍近鏡時唔會畀專業人士話差,最緊要節奏、音位無錯,後期配到音就得。”
二人在訪問中互笠高帽,青雲大讚湯唯演技厲害:“佢唔會演好公式嘅人物,唔係人咁做佢就咁做,佢係搵到自己嘅感覺做出嚟。”
留言