王宗堯迪士尼開暴食派對
王宗堯昨日生日,在過去一周他幾乎日日食生日飯,昨日又輪到同公司的兩位死黨陳詩慧和張建聲為他舉行開心派對,拉隊去迪士尼樂園玩。現場又有米奇老鼠做特別嘉賓賀壽,難怪壽星仔笑唔停。陳詩慧笑說:“阿王宗堯好開心呀,我哋特登嚟迪士尼同佢搞生日Party,同埋今次係我第一次嚟迪士尼,真係好好玩。”
雖然昨日天氣又熱又曬,不過陽光只令他們玩得更High,王宗堯直言:“呢次好難得成班朋友喺我生日之前放假一齊入嚟迪士尼,大家食咗餐飯,佢哋特登製造咗一條片,好多人祝我生日快樂,無論有嚟冇嚟嘅朋友都好,個心意好好啦;仲有個蛋糕好靚,另外又有多個生日蛋糕畀我,我不斷慶祝生日同食蛋糕,所以嚟緊要努力做運動減肥。”
留言