使用手機程式預訂完成後，地圖內就會顯示車輛位置及預計到達時間。

車輛到達目的地後，手機程式就會顯示總計車資。

除了在程式內顯示車資外，Uber亦會向乘客傳送電郵，說明車資明細及行車里程。

Uber襲澳 舊區繁忙時段都叫到
Uber突然登陸澳門，雖然當局表明經營屬違法，但今日系統依然照常運作，令執法部門相當尷尬。Uber澳門暫時只提供Uber Black一種車型選擇，根據記者試搭觀察，透過Uber接客的至少有3間旅行社，全都是黑色豪華款7人車，有的車身未見有標誌，司機也只稱照公司指示開工，對會否擔心被檢控不願多談。
Uber收費似乎並非劃一，有網友朝早11點從南灣叫車到石排灣，只要40元，據稱比打的還要平。記者係中午12點幾從新口岸坐到威尼斯人，來回車費194元。在傍晚5點15分從開始塞車的舊區沙梨頭一樣叫到車，但要等耐少少，網上顯示5分鐘內到，最後等左大約17分鐘，司機話多數車都係皇朝區出發，繁忙時間較塞車，所以無計。
從沙梨頭土地廟附近內街去氹仔花城，全程18分鐘，網上顯示按路程預估車資71至86元，最後過數96元，包括16元基本車資、約49元距離計費及31元時間計費。司機服務態度不錯，上車會主動打招呼，對於充滿好奇心的搭客都會閒聊兩句，有司機話Uber拆帳分成都幾高，但具體比例，深入啲就唔方便講啦。開車期間全程駕駛平穩，無超車、急煞、超速，遇到修路工程要繞路也會事先知會。到達後毋須付款或出示信用卡，網上自行過數，Apps或電郵會收到付款通知。Uber Apps亦設有「閃電加乘」，方便繁忙時間叫車，但未有條款說明具體加幾多份「禮物」。
今日臉書被Uber洗版，不少網友都躍躍欲試，有司機就話生意「麻麻」，但亦有司機話朝早已走左3、4轉，大部分係遊客。有媒體曾聯絡有關旅行社，對方表示拒絕回應，Uber方面亦暫時未回覆記者查詢。
 
【延伸閱讀】 UBER合法化？ 交通局：已有電的 http://goo.gl/GnjcHX
UBER出現是自由市場的選擇 http://goo.gl/lrR76i