（澳廣視電視畫面）
近日地產黨不斷發功，扭盡六壬想將環評報告保密合理化，不是將原本係石礦場的石排灣公屋拖落水，就是將發展規模細得多、只有4層高的路環傳染病隔離中心和百米超高樓相提並論，意圖混淆視聽，在今天《澳門論壇》節目中遭到市民連番炮轟。
「環評報告不是私人研究，佢自願公開就公開。環評報告係政府要佢交，好似老細要你交功課，你可唔可以唔交？唔得架嘛！」 市民梁先生批評連樓盤規模和環評報告也不敢示人，政府明明有主導權，但卻放軟手腳袒護發展商。
「有一位麥議員話，當日起公屋你哋又唔嘈？又唔叫政府交環評報告出來？說這是大細超，我真係懷疑呢位議員係咪民選出來！」近日老麥一句「不要問、只要信」在網上紅爆，插畫師袁志偉質疑他只是想為超高樓解套，而政府口口聲聲「依法辦事」，市民看在眼裡更是諷刺：「雖然法律無講明，但政府無必然義務一定要批俾發展商，特別是一些損害澳門重大公共利益的項目，政府有責任唔批！」
他強調根據《都市建築總章程》第38條E項，對於明顯影響財産、 歷史、 文化或環境價值的建築項目，工務局根本不應批建叠石塘山超高樓，這才是真正依法。「我不敢想像將來空氣會差成點，現在車多廢氣多，路環山體可稍為淨化空氣，你又想將佢破壞建豪宅。」