時事評論員蘇文欣表示，近期社會聚焦的《土地法》爭議，根本問題不在於「歸責」，而在於「歸益」，法律「唔啱」一批財雄勢大的人的利益時就要修法或釋法。他認為，若果今次爭議繞過法院裁決而「撬鬆」《土地法》，將動搖司法系統的權威，並葬送立法會的公信力，所有利益都過份地向利益集團傾斜，利益集團與平民百姓之間會產生更多矛盾，將步向香港社會現時的混亂情況。
蘇文欣反對修法或釋法，他說︰「澳門有好多滯後的法律都未得閒去處理，依家就要即刻去搞呢個，呢個最急切咁，民生係咪唔急切啊？」他說，今次爭議的關鍵在於利益問題，「到底係等政府收回建公屋，還是再延長批租期讓發展商發遠控制土地，利益永遠歸發展商？歸益屬誰，釋法定唔釋法就更加明顯。」
釋法動搖司法權威
官委議員唐曉晴的提案內容包括追溯到土地法生效的即日起。意味著政府成功收回的土地都將一舖清袋，南灣湖CD區的十多幅閒置土地亦可「放生」。蘇文欣認為，若果釋法闖關成功，會動搖澳門司法系統的權威，讓公眾認為「原來法院判決係唔洗理」。而且當初由立法會員投票通過修改《土地法》，現時又要推倒重來，會讓市民覺得「今日的我打倒昨日的我，立法會立法係咪咁兒戲呢？」
議會工作受考驗
支持釋法的議員聲稱，當初修改土地法「被政府呃咗」，所以沒有發覺問題。蘇文欣指出，新舊《土地法》都明確規定，25年批租期滿仍未完成發展的土地必須收回，並非新《土地法》有改動而讓政府「搶地」。「如果啲議員話自己睇唔到，自己又係代表法律界，當時亦都無提出異議。啲咁無遠見的人，政府應該要考慮下到底係咪委任錯咗人呢？如果係選出黎既，市民就要考慮係咪再選呢啲人。」
他認為，現時立法會的工作正受考驗，市民高度關注各議員的取態和表現，「俾市民好清楚睇到，如果立法會被既得利益集團壟斷，黎緊一年投票係好好的指標。」他說，當利益過份傾斜向利益集團時，社會將產生更多矛盾，「議會裡面某些聲音收歸佢地的保護傘下，就會影響整個社會的政策。只會將社會越來越分化成『有錢』同『無錢』，中間有少少錢既，又想有多啲，就會向『有錢』一方靠攏，成為隨從，變成香港現時的情況一樣。」
有爭議應交法院裁決
「政府收地絕對合理」，蘇文欣說︰「25年，四分一個世紀黎架！發展商話好多變化，做生意既嘢梗係要面對變化架啦！如果唔係咁變，你都唔發啦！當你乜都無，25年由冇計劃到有計劃，到起樓再賣樓，有咩理由做唔曬啊？就算真係俾政府拖延發展，點解唔告政府？」他認為，現時所有的爭議都應交由法院裁決，「發展商覺得政府唔啱，點解唔係拿著合約去法院告政府呢？係咪覺得法院唔公平？」
政府低調惹放水之嫌
土地法爭議燃燒至今，政府一直低調行事。任由發展商指控拖延發展，不應被「無理」收地。但政府幾乎「打不還手，罵不還口」。蘇文欣認為，政府應該盡快向社會交待《土地法》的立法原意，並將發展商的入則資料公開，讓公眾審視到底是否所有發展商都「不可歸責」。否則會讓人陰謀論地質疑，是否政府本身就有意釋法，正在玩弄政治手段故意放水，讓自己一直處於被動位置，「必要時再出黎跪一跪，認曬全部都係我錯啦，咁就修法釋法。」