有市民出席動保團體聯合記招時批評，民署在動保法的立法過程中不斷講大話，原來的法案沒有狗隻出街要戴口罩的規定，後來突然加碼，又向市民解釋申請豁免戴口罩的測試好簡單，只要用繩牽引，「乖乖地咁行就PASS架啦！」但最後結果，原來比考「狗醫生」更加難。「依家證實到民署係講大話，政府係一個講大話政府，我哋以後係唔會信任政府講任何既嘢！」市民吳慧儀說︰「依家澳門政府真係好巴閉，全世界都無地方做到，澳門政府做到全世界既唔合理第一。政府依家係剝奪緊佢哋天生的自由，政府依家係虐待緊我哋啲狗！」
吳慧儀表示，民署一直聲稱有好多人怕狗，所要有限制措施。她說︰「到底有幾多人驚狗，有幾多人寫過信反映？我要科學數據，政府在過去5到10年真實的數字，攻擊到人的狗有多少？講俾我聽，唔好主觀就話好多人驚狗。我依家講一句，我哋好多市民認為你哋政府人員好差，唔該你辭工啦，你係咪會執行？你係咪會辭工？你係咪會減人工啊？你唔可以無科學根據架嘛！」
另一有養阿拉斯加雪橇犬的市民梁鳳儀表示，民署不斷講大話，又向市民稱其他地方、以及警犬都有要求狗隻出街戴口罩，但她查過及問過警方，根本沒有這回事。「問到唔識答就無言以對，問佢A就答我B。」她說，自己曾致電民署表明譬不兩立︰「民署係一個非常講大話既政府部門，我對佢已經失去曬信心。」
梁鳳儀亦指出，民署規定老弱病殘的犬隻更無機會參加有關測試，變相剝奪它們出街的自由。「有病既狗需要多啲氧氣，但出街要戴口罩會阻礙呼吸，係咪即係叫隻狗不如唔好出街？！九成既狗都過唔到既測試，咁到底用黎做乜嘢呢？我對政府極度失望。」
 
相關報道︰
豁免犬隻戴口罩出街難過考「狗醫生」
動保法被批變質成虐待動物法
http://goo.gl/NXBIXm