(特稿)點解最近有一班醫生突然間跳出來堅決反對好快就生效嘅《醫療事故法》,原來有特別原因,仲涉及龐大嘅黑色金錢利益。有知情人士話,政府捉錯用神,果班反對嘅醫生根本唔在乎《醫療事故法》生效後涉及保金平或者貴,佢哋多多都畀得起,問題係最怕刑責上身!
點解?原因好嚇人!有可能佢哋嘅業務超越規管範圍或違法,令到原本低風險又可以搵大錢嘅行為,法律生效後變成高風險又受刑責嘅醫療行為。萬一失手就負刑責,法律真係執行亦令到依家嘅灰色地帶冇咗,所以好驚,真係好驚!尤其果D婦產科,聽講話年收入千萬以上,仲有暗中偷鷄幫人搞代孕果D,仲有暗地裡買賣抗癌藥果D,涉及嘅黑色金錢利益真係外行人想像唔到咁龐大,於是齊齊搵各種各樣嘅理由反對《醫療事故法》或拖延《醫療事故法》嘅生效。
其實,大多數醫生都好明白《醫療事故法》真係有需要實施,市民又等咗咁耐,但依家涉及咁龐大嘅黑色金錢利益,將呢啲黑色金錢利益演變成一個政治問題,啱啱今年又係立法會嘅選舉年,各方政治勢力虎視眈眈,情況真係好複雜。祝願澳門市民繼續好運落去!
留言