阿光輝，你不需要民選，做了大官，我們沒你辦法。
今日看新聞，你做了兩件事，令到我忍無可忍，我簡直忍不住要罵你，你真係蠢。
你執意要在山頂附近，鏟了兩棟百年建築，起傳染病大樓。你個新傳染病大樓會不會變成「在社區集中傳播疾病的大樓」尚且不說。你拆左那兩棟建築物，就是蠢。為甚麼我說你譚俊榮蠢？因為你在今日，在塔石搞的武林大會做的佈景，有老翻少林寺，有甚麼功夫嶺。所以，我確定你譚俊榮，蠢。
天下武功出少林，如果我想要學少林功夫，那我得看到少林和尚打真功夫（不是大陸賣武式的花拳秀腿），你在塔石做那個佈景，根本連同整個塔石環境格格不入，山寨了一個佈景，似甚麼？似那些大陸冇人去的世界之窗、小人國。好做唔做，就是硬做了一個山寨小人國出來。
好，今年澳門有人睇左你做武林大會，欽敬少林和尚，去了嵩山少林寺，這倒還好，嵩山真的少林寺還在。
你去全世界宣傳澳門，其他人來到，澳門好多真的歷史建築物，你唔好好整理，你逐啲逐啲拆，咁即係點？然後全世界的人比你昆來澳門，唔係睇澳門的歷史，因為百年建築比你拆左。
你叫人睇塔石那個山寨少林寺？
明明有堅野唔去保護，唔去整理。係都要整啲同澳門無關，幾個月就丟棄的垃圾出黎，咁樣叫搞旅遊？咁樣唔係蠢係咩？
如果這又是觀點與角度的問題。我們其實這個旅遊生意可以不用做，珠海灣仔海鮮市場，都有大三巴，也可以買到杏仁餅，咁樣大陸啲遊客其實可以去珠海灣仔睇那個大三巴，買一買杏仁餅，仲順便食埋新鮮海鮮，咪等於遊左澳門囉！
我咁講對唔對呀？
二戰後柏林炸到爛晒，德國人都要囉返啲舊城市圖起返和戰前差唔多，呢啲咁高深你唔會明。
本來可以在你比鏟走那兩棟百年建築，再利用可以將古蹟復活，將澳門的深度和厚度再累積落去，傳給澳門的下一代。你在裡面整個藝廊，會比人話你有文化。可惜澳門的深度和厚度，就咁樣畀你鏟走左。
然後整啲，全中國二級市長、鎮長都可以整得到的東西出來，話係旅遊項目。係呀，就係話你那些假的少林寺和功夫嶺啊，蠢人。
我難以忍受的，就是你的水平就是如此，而且你仲要掌管文化。
你拆了兩棟百年古樓，在文化局門口整啲垃圾A貨，澳門有文化都比你整到冇文化。