政府計劃花費2年時間將關閘地下巴士總站進行大改造，城規會委員陳德勝對此不表認同，指關閘巴士總站本身存在諸多問題，即使完成重修亦未必符合社會實際需求，批評政府的做法並不科學。他認為，政府不應「頭痛醫頭，腳痛醫腳」，只針對單一設施進行重整，而是應公開更多資訊，讓城規會委員及公眾知道將來關閘區域的定位，才能更科學地訂定總體及分區規劃。政府亦應搬遷工人球場、特警總部等週邊設施，以騰出空間作出整體的發展。
陳德勝指出，關閘總站重修間將對週邊區域帶來長時間的影響，對重修後的成效亦有所保留，「影響咗我2年，最終只係返去地下搭巴士，點解唔可以係地面做科學嘅巴士站？永遠唔使受水災影響，永遠都唔使吸廢氣，點解唔係呢個方面發展？」
政府在重整關閘總站期間，將停靠關閘總站的24條巴士路線分散至10個分站上落客。陳德勝認為，巴士路線「各散東西」，對該區居民及旅客來說十分不便，「居民返工返學，呢兩年要點過？好多巴士站都無遮無擋，平時無風無雨都還好，落雨你叫啲人點搭巴士？學生返學濕哂身涼冷氣，病咗，就會加重醫療嘅負擔。」
陳德勝認為，政府今次單純重修關閘巴士總站「唔值得」，「就好似城規會只係討論規劃條件圖草案，其實係無意義，我哋成日都問附近有乜佈局，官員都答唔到，甚至司長話你哋知咁多，我都係知咁多。其實咁樣係一個笑話。」他認為，政府對於關閘區未來的想法及藍圖，理應公諸於世，讓城規會委員探討，亦要聽取市民、專業人士的意見。
他亦指，粵澳新通道有望於2019年建成，與關閘口岸相距只有800米，但城規會至今對於政府如何規劃粵澳新通道仍完全不知。認為政府應思考如何串連起2個口岸，「例如做地下通道串連起佢，可以疏導到好多嘅嘢。加上將特警總部、工人球場遷走，整個片區去重新發展，包括增設全天候步行系統，令市民、旅客可以好舒適咁來往關閘。」